AIADMK MLA 18 bàn an ni

0
602
views

Tamil Nadu-a rorel lai pawl, AIADMK MLA 18 bàn an ni. Heng MLA te hi AIADMK MLA an ni a, AIADMK phel pahnih an inchhun fin hnua an hn^wl tak, TTV Dhinakaran-a thlawptute an ni. Speaker, P Dhanapal-a’n heng mite hi pawl danga pakai khapna, ram danpui Article 10-naa tarlan tlawhchhanin MLA an nihna a\angin a ban a, Asembly Secretary, K Boopathy chuan an bial \heuh pawh a ruak nghal tih a sawi. Speaker hian heng MLA 18 hi a a hmaa inlana insawifiah turin a ko hmasa vek a, mahse vawi hnih vawi thum a koh hnuah pawh tlema zawng chauh an inlan a ni. AIADMK phel pahnih an inchhun fin hnu khan AIADMK MLA 19-in state Larsap, C Vidyasagar Rao chu hmuin, state CM, Edappadi K Palaniswami an thlawp theih tawh loh thu an hrilh tawh a ni. MLA 18 ban an nih t^k avang hian state Assembly-a AIADMK MLA chu 116 an ni ta a, eptu pawl, DMK-in 89, Congress-in 8, IUML-in pakhat a nei a ni. Tamil Nadu-ah hian MLA 234 an awm thei a, CM hlui, Jayalalithaa-i bial a la ruak a, tunah hian bial 19 a ruak ta a, MLA 215 chauh an awm ta a ni. MLA ban takte chuan Speaker thuchhuak hi court-a an khin tur thu an sawi a, state CM-in House-a member tam zawk thlawp a hlawh tih a finfiah theih loh avangin, Speaker-in anni ho hi a ban ta nia an sawi b^kah, an awm khawmna, Karnataka-ah pawh Tamil Nadu Police-ten an rikrap \hin niin an sawi bawk.