AIADMK MLA 18 bân takte’n ban an nih dan High Court-ah khing

0
404
views

Tamil Nadu-a rorel lai pawl, AIADMK MLA 18 bân takte’n ban an nih dan chu Madras High Court-ah an khing a, thu hmanhmawhthlak nia ngaih a nih avangin naktukah ngaihtuah nghal a ni ang. Puan tawh angin, nimin khan AIADMK MLA 18 chu CM, Edappadi K Palaniswami an thlawpna an sut avangin Assembly Speaker, P Dhanapal-a’n pawl danga pakai khapna, ram danpuiin a tarlan tlawhchannin MLA an nihna a\angin a ban a, MLA 18 hian ban an nih dan leh a hun chu sawiselin, Palaniswami-a’n a sorkar dinhmun a fiah hunah a \ha lo zawngin nghawng a nei thei dawn nia an sawi avangin Madras High Court hian ngaihtuah a remti a ni.

Hemi kaihhnawihah hian vawiin khan Tamil Nadu Larsap, C Vidyasagar Rao chuan New Delhi-ah Union Home Minister, Rajnath Singh a hmu a, minit 20 an inkawmnaah hian, an state-a politics dinhmun tlangpui a hrilh nia hriat a ni. MLA bàn t^kte hian state CM an rin tawh loh thu leh, hlemhletna thilah pawh a fihlim lo nia an hriat thu hi an Larsap hi an lo hrilh tawh a, C Vidyasagar Rao hian Maharashtra Larsap ni chungin Tamil Nadu hi a hmui mek a ni.