AIADMK party chhinchhiahna Palaniswami leh Panneerselvam ten hmang chhunzawm dawn

0
335
views

Election Commission-in Tamil Nadu-a rorel lai, AIADMK chhinchhiahna, hnahthel lem chu state CM, E. Palaniswami leh Deputy CM, O Panneerselvam-a kaihhruai pawl hman chhunzawm zel atan a dah. He party chhinchhiahna chuh vetu, Sasikala vahpa, TTV Dhinakaran-a kaihhruai lam chuan an chang ta lo a, he pawl hi MLA 18-in an thlawp nia hriat a ni. Election Commission thutlukna avang hian Palaniswami leh Panneerselvam-a kaihhruai pawl hi AIADMK zidingah pawm an ni ta tihna a ni a, Pi Jayalalithaa bial hlui, RK Nagar by-election lo awm turah pawh an dinhmun an sawh nghet-ah a ngaih theih a ni. RK Nagar chungchangah hian Thawhlehni khan Madras High Court chuan kum thar hma ngeia by-election nei turin hriattirna a lo chhuah tawh a, puan tawh angin, he bial by-election hi April thla khan buatsaih tum a lo ni tawh a, vote thlaktu turte thlemna tur pawisa tam tham tak man a nih avangin \hulh a lo ni tawh a ni.