AIMTC chuan GST chungchanga an lungawi lohna lantir nan ni hnih chhung ram pum huapa nawrh huaihawt tum

0
335
views

Bungraw phur motor neitu leh khalhtu insuihkhawm pawl, All India Motor Transport Congress chuan chhiah lak dan thar, Goods and Services Tax chungchanga an lungawi lohna lantir nan ni hnih chhung ram pum huapa nawrh, ‘Chakka Jam’ huaihawt an tum thu an puang. Truck khalhtu nuai 93 leh bus leh bungraw phur motor dang khalhtu nuai 50 vel telna, AIMTC hian tun thla ni 9 leh ni 10 hian nawrh hi huaihawt an tum a, AIMTC member pakhat sawi danin, GST hman a nih a\ang khan state pali chauhin Regional Tranport Office hnuaia check post khar an la remti a, sorkar laipui leh state sorkar-te chuan GST chungchangah hian thu mum an la nei thei lova, hei vang hian chhiah chi hrang pathum an chawi a ngaih phah a, state \henkhat, GST hmang tawh anga insawi leh RTO check post khar tawh anga inziak-te chuan tun thlengin kalphung thar hi an la zawm mumal lo a ni.