Algeria-in July ni 4 khian President thar a thlang dawn.

0
743
views

Kum 20 chhung President nihna a chelh hnuah kum 82 mi Abdelaziz Bouteflika chuan a vawi 5-na atan president chelh leh a tum thu a puan hnuah mipui te’n bang tura nawrin kawng an zawh a, kar hmasa khan a nihna a\anga banna a thehlut a, a ai awh turin a thawhpui hnai Abdelkader Bensalah chu President lailawkah puan a ni a, he hna hi ni 90 chhung a chelh dawn a ni.

Bensalah hi President tharah pawm duh loin mipui te chuan lung awi lohna an lantir chhunzawm zel a, banna thehlut turin an phut ve leh a ni. Bensalah kaihhruai sorkar chuan President thlanna hi July ni 4-ah neih a nih tur thu a puang a, constitution hnuaiah chuan he inthlanah hian Bensalah hian a chuh thei dawn lo a ni. Army Chief General Ahmed Gaid Salah chuan thuneihna inhlan chhawnna hi dan zawma, langtlang tak leh dik taka kalpui a nih theh nan sipai pawl chuan theih tawp an chhuah tur thu a puang a ni.