All India Motor Transport Congress, AIMTC-in ni sarih hnuah an nawrh an ti tawp.

0
448
views

Union Road Transport Minister, Nitin Gadkari chuan AIMTC-te thil phut tam zawk an pawm tawh thu leh, a ngaihtuah chhunzawmtu tur, high-level committee din a nih thu a sawi a a ni. Puan tawh angin Truck khalhtute hian kawng laka chhiah chawi \hin, Toll Fee leh tuialhthei-a chhiah lak zat tihhniam te leh insuarance siam man tihhniam-te an phut avangin ram pumah an nuar a, an lirthei an tih din chhunga ramin sum a hloh zat hi cheng vbc 50,000 a kai hman hial a ni. Truck khalhtute nuar hi India chhim lam leh khawthlang lamin an tuar nasa ber a, Gujarat, Maharashtra leh Tamil Nadu-a puan leh thawmhnaw siam chhuaktute leh damdawi lam siam chhuaktute phei chuan an eizawnna a khaihlak nasa hman hle niin an sawi a, lirthei company lian Tata, Ford leh Skoda te pawhin spare part an tlakchham avangin harsatna an tawk hman niin an sawi bawk a, Amazon leh online-a thil hralh \hin company dangte pawhin an bungraw thawnchhuah a khaihlak nasa hman hle niin an sawi bawk a ni.