Amethi-ah bomb leh vauna lehkha chhar

0
573
views

Tukin khan Uttar Pradesh Amethi-a rel pakhatah bomb chhar a ni. Police te chuan bomb bakah hian Lashkar-e-Taiba mi firfiak pawl ten, an pawl mi Abu Dujana thah anih vanga phuba lak an tum thu inziahna lehkha an chhar tel tih an sawi a, Abu Dujana hi tun thla ni khat khan Kashmir-ah sipaite nen an inbeihna-ah an lo kaphlum tawh a ni. Police te chuan he lehkha vang hian an inralring hle tih an sawi a, lehkha hian Abu Dujana martara thi a nih thu leh, India ramin a tawrh tur thu a inziak niin an sawi a, Home Department hotute chuan ramchhung hmun hrang hrangah venhimna uluk lehzual tur leh inralring tura thupek an chhuah thu an sawi bawk.