Andhra Pradesh CM leh Telugu Desam Party, TDP hruaitu, Chandrababu Naidu chuan BJP ni lo party dang zawng zawng pawl pakhata inzawmkhawm tir a tumna kal zelah, vawiin khan Congress President Rahul Gandhi leh eptu pawl party dang hruaitute vawiin khan a hmu.

0
612
views

 

Puan tawh angin Naidu leh a party, TDP hian Special Category-a Andhra Pradesh dah an phut chu tihhlawhtlin a nih loh avangin BJP kaihhruai \angrual pawl, NDA an chhuahsan a, BJP bei let turin eptu pawl party-te huikhawm an tum zui a, Delhi CM leh AAP hruaitu Arvind Kejriwal leh Bahujan Samaj Party hruaitu, Mayawati te pawh Naidu hian a kawm tawh a, TDP May thla pawh khan Andhra Pradesh-a BJP bei let turin Janata Dal Secular chu an lo thawhpui tawh bawk a ni. TDP leh Congress-te thawhdunna tur hi Andhra Pradesh-a an party hruaitute ve ve in bul an lo \an tawh a, Naidu hian tun kar chhungin eptu party-te huikhawm tum hian \um hnih a zin tawh a, Rahul Gandhi bakah hian Nationalist Congress Party hruaitu, Sharad Pawar leh Jammu & Kashmir National Conference hruaitu Farooq Abdullah te pawh vawiin han a kawm bawk a ni.