Andhra Pradesh rorel lai sorkar, Telugu Desam Party chuan fur \hutkhawm lo awm turah sorkar laipui rintawk lohna, No-Confidence Motion put luh a tum

0
282
views

State CM, Chandrababu Naidu chuan thlasik \hutkhawm laia an thil phut, Special Category-a Andhra Pradesh hlankai chungchangah an ngaihdan a la ngai reng tih a sawi a, he dinhmun hi kum 2014-a Telangana state thar din anih khan, BJP kaihhruai, NDA \angrual pawl chuan a lo tiam tawh avangin, phut chhuah ngei an tum thu a sawi bawk a ni. Puan tawh angin Parliament \hutkhawm hmasa zawkah khan TDP MP-te chuan Special Category an phut thu an aupui nasa hle a, state dang MP-te pawhin an thil phut hrang hrang an aupui ve bawk avangin rorel hleih theih pawh a ni lo a, TDP hian NDA pawh chhuahsanin, an thawhdunna pawh kumin March thla khan an lo chhu chat tawh a ni.