Andra Pradesh khawpui Visakhapatnam-a chemical plant-ah nizan khan boruak chhia a putru a, mi 11 an thi a, mi 1,000 chuang an damlo a, mi 800 vel damdawi inah hruai an ni.

0
48
views

Gas leakna hmun hi Visakhapatnam a\anga km 14-a hla a ni a, South Korean battery siamtu LG Chemical Ltd. neitu chuan gas a leak chhan chu enfiah mek a ni a, mi 8 te thihchhan leh thil thlen dan chu chipchiar taka enfiah zui a ni a ti.

Gas leak-na hmun bul hnai khaw pathuma chengte khua a\anga thiarchhuah an ni.

Greater Visakhapatnam Municipal Corporation commissioner, Srijana Gummalla chuan chemical plant a\anga gas leak hi tukin dar 2:30 vel a\anga in\an a nih thu sawiin, a bul hnaia chengte muttui hunlai tak a ni a ti.

Visakhapatnam Assistant Commissioner of Police Swarupa Rani chuan tank lian tak a\angin gas chu a leak tih sawiin, inkharkhip vanga viltu an awm loh rei avangin chemical plant-a tank lian chhungah chemical reaction in siam chuan thil sa a pe chhuak a, chu chuan gas leak chu a siam a ni a ti.

LG Chem chuan he plant hi inkharkhip vangin an khar tih an sawi a, a enkawltu erawh an awm tih sawiin, gas leak tih hre hmasatu pawh zan lama hnathawkte an ni tih a sawi bawk.

Gas putru vanga damlote hi video thlalak thenkhatah hmuh tur a awm a, mipa, hmeichhia leh naupangte chu Vishakhapatnam kawtthlerah an tlu phung a, mi tlawmngaiten ambulance-a an hlang lai thlalakte hmuh tur a awm a ni.

Chemical Plant atanga km 3 biala cheng mipuite chuan gas putru hi an tuar tih sorkar thuneitute chuan an sawi a, damlote zingah hian hmeichhia leh naupang thahnem tak an awm a ni.

Chemical Plant hi plastic lam sawngbawlna hmun, polystyrene siamna a ni a, plastic chi hrang hrang leh fiberglass te siamna a ni. Kum 1961 ah Hindustan Plymers tia din a ni a, South Korea-a LG Chem ten an lak chhawn hnuah LG Polymers India tiin 1997 khan a hming thlak a ni.