Scientist rual leh thir zirbing mite chuan thliarkar pakhata khawlum lam an tehnaah degree 20.75 hi a kai tih an finfiah a, Brazil mi scientist Carlos Schefer chuan Antartica-ah hetianga khaw lum hi a la thleng ngai lo tih a sawi.
UN World Meteorological Organisation sawi danin Antartica ah hian kum 50 kalta chhungin degree 3 velin khua a lum belh a, kum 12 liamta chhung khan vur tlang tam tak a tuiral a ni. Scientist te chuan khawvel lum chho zel, Global Warming chu chuan chhim tawpah vur a ti tui chak hle tih an sawi a, hei hian khawvel pumah tui chim chin a ti sang hret hret a, kum zabi lo awm leh tur chhungin metre 3 vel laiin a chim san belh thei dawn tih an sawi.
