APPSC exam tum Chakma pali awm vangin Arunachal Pradesh zirlai pawlte an lungawi lo hle

0
267
views

Arunachal Pradesh Public Service Commission hnuaia exam tum zingah Chakma pali an tel avangin state huap zirlai pawl, AAPSU an lungawi lo hle. APPSC hnuaia exam beih tum, Chakma 4 zinga 1 chu Scheduled Tribe angin a inziak a, 3 chu General Category-ah an inziak a, AAPSU chuan Chakma-te hi ram leilung fa an nih loh bakah ram khua leh tui an nih loh avangin an exam ve thei lo nia sawiin, dan bawhchhia niin an sawi. Hemi chungchangah hian zirlaite chuan APPSC hnathawk-te an dem thu leh Chakma-te puitute hi hrem an ph<t thu pawh APPSC Chairman Tajom Talohon an hrilh tawh thu an sawi a, an tu leh fate tan an ram hi an humhalh zel tur thu leh Chakma leh Hajong hnamte chu a tawp thlenga dodal tura an inpeih thu pawh an sawi a ni. Hemi chungchangah hian APPSC Chairman chuan thil dik lo a awm a nih chuan siam \hat thuai a nih tur thu, AAPSU hruaitute hi a hrilh a, a hriat chinah chuan Arunachal Pradesh-ah hian Chakma te hian Scheduled Tribe hminga APPSC exam an beih theih loh thu leh, General category-ah erawh chuan an tel thei nia a hriat thu te, tun \uma thil thleng pawh hi tihluih nia a hriat loh thute a sawi a, AAPSU General Secretary, Tabom Dai erawh chuan APPSC APPSC hian tun hma pawhin hetiang hian thil a lo tih tawh nia sawiin, tihpalh a nih pawhin, tihpalh thila Chakma-te exam tir chu engti kawng maha an pawm loh tur thute a sawi ve thung a ni.