Thu neitute sawidanin Howato hian Pathianni zingah Durazo hi a lam a, apartment complex pana an tlanlai hian Durazo hian a chemte pai hmangin vawi engemawzat Howato hi a vit a, motor a chhuahsan hnu pawhin Durazo hian a sawisak chhunzawm a, a hnuah motor hi khalhin a tlan bopui zui a ni. Howato hi damdawi in panpui a ni nain amah leh a naute pailai chu an chhan hman lo ani.
Lyft company chuan he thil thleng rapthlak tak hian an thin a \hawng hle tih an sawi a, Howato-i chhung leh \hiante an tawrhpui thu sawiin police te chu an theih anga an puih thu an sawi. Tualthattu tlan bo-na motor hi an chhui hnuah California thlen hma, Quartzsite Arizonaah Durazo hi man a ni a, tualthah leh rukruk thu buai siamsak a ni.
Howato hian fa pahnih kum 2 leh kum 4 mi a kalsan a ni.
