Chanchinbumite a kawmnaah Army Chief hian ram danpui thuhmahruai, Preamble-a inziak India innghahna lungphumte vawnhim leh a hnuaia rinawm taka thawh chu sipaite intiamna a ni a ti.
Hemi hmalam hian Army Chief hlui General Bipin Rawat chuan mipuite kawng dik loa hruaitute chu hruaitu dik an ni lo a, University leh college zirlai buaina chawk chhuaktute awm dan chu hruaitu awmdan tur a ni lo tih a sawi a, hei hian sawisel a hlawh hle a ni.
Chanchinbumite a kawmnaah hian General Naravane chuan indona hmachhawn tura inbuatsaih chu sipaite tih tur hmasa a ni tih a sawi a, tam lam ni lo, quality \ha chu sipaite inbuatsaihnaah ngaih pawimawh ber a ni ang a ti a, ralthuam viltu mihring thiamna a pawimawh ber \hin a, India sipaite chu sipai \ha ber an nih theihna tura \anlak a ni ang a ti.
General MM Naravane hian December ni 31 khan Army chief hna hi a zawm a, Chief of Defence Staff ni ta General Bipin Rawat a thlak a ni.
