Chakma and Hajong refugee-te khua leh tui nihna pek tum vangin Arunachal Pradesh-ah bandh huaihawt

0
450
views

Sorkar laipuiin Chakma and Hajong refugee-te, khua leh tui nihna p>k a tum dodal nan Arunachal Pradesh-ah bandh huaihawt a ni a, darkar 12 awh bandh hi zirlai pawl, All Arunachal Pradesh Students’ Union huaihawt a ni a, pawl hrang hrangin an thlawp a ni. State chhim lam, Chakma leh Hajong tamna hmunah phei chuan tharum thawhna a thleng nual a, sorkar hotute chuan,motor pali vel hal a nih thu an sawi. He state mi, Union Minister of State for Home, Kiren Rijiju-a chuan Chakma leh Hajong raltlante, sorkar laipuiin khua leh tui nihna a pe nghal mai dawn nia sawi chu thu dik lo nia sawiin, thutlukna siam a la ni lo niin a sawi a, a hnampui, Arunachal Pradesh mipuite chu a ngaih pawimawh ber thu leh, an dikna leh chanvo humhalh nan eng pawh a pawm tur thu a sawi. Pu Rijiju-a chuan, kum 2015 khan Supreme Court-in heng raltlante hi thla thum chhungin khua leh tui nihna pek ni se, a ti na a, state mipuite dikna leh chanvo humhalh dan tur ngaihtuah hmasak an duh avangin court thupek hi tihhlawhtlin a ni lova, Home Ministry chuan thupek hi siam \ha turin court sang ber hi a nawr dawn a, Chakma leh Hajong-te hnena state mipuite dikna leh chanvo ang pek chu an pawm thei loh thu, court hi hriattir an tum a ni. Puan tawh angin, Arunachal Pradesh-a pawl hrang hrangin heng mite, khua leh tuia pawm hi an remti lova, an state-a hnam chi hrang hrang awm zat a tihbuai dawn avang leh, pawhin, heng raltlante hi khua leh tui nihna pek an nih chuan, ram leilung fate chu a tlem zawk an nih theih mai dawn avangin, nasa takin an dodal a, sorkar laipui chuan, heng mite hi khua leh tui an nih pawhin, tualchhunga Scheduled Tribe-te chanvo ang zawng zawng chu p>k loh ni se, ram neih pawh phaksak loh ni se, Inner Line permit erawh chu p>k ni se tiin rawtna a siam a ni.

Bandh huaihawttu, AAPSU General Secretary, Tobom Dai chuan, vawiina an bandh hlawhtlinnaa hian, sorkar laipui thuchhuak pawh ni se, he state-a mipui dinhmun tibuai thei tur chi chu ram leilung faten an pawm dawn lo tih a lantir niin a sawi a, hmun \henkhatah pawn lam mite an tam zawk theih dawn avangin, hei hi chu an dodal dawn tih sorkar laipui pawhin a hre tur niin a sawi. Chakma leh Hajong mite hi Muslim ni lo, \henawm ram a\anga ral tlante, BJP-in khua leh tuia pawm a tum zingah an tel a, hei hi Parliament-a inchiah mek, Citizenship (Amendment) Bill, 2016 ah a chuang a ni. Buddhist Chakma leh Hindu Hajong mite hi tihduhdahna avanga India rama rawn pan hmasa ber pawl an ni a, Arunachal Pradesh-ah hian 1964 a\anga 1969 velah khan, Changlang district-a Bordumsa-Diyun bial leh, Papum Pare district-a Kokila bialah an l<t a ni. India ram an rawn pan chhan hmasa ber chu khatih laia East Pakistan-a Chittagong Hill Tracts-a Kaptai tuikhuahin an chenna hmun a chim vang a ni a, a hnuah chuan sakhaw thila tihduhdahna avangin an lo l<t leh a ni. Chakma leh Hajong-te dinhmun hi Myanmar rama Rohingya Muslim-te dinhmun nen hian a inang hle a ni. Arunachal Pradesh-ah hian a tir lamah khan Chakma leh Hajong mi, 14,888 an awm a, tunah chuan 64,000 an tling tawh a, Chakma pawlte chuan 55,000 b^k an ni lo nia sawiin, tualchhung mite aiin an tam nia sawi chu thu dik lo niin an sawi a, mahse bandh huaihawttu, AAPSU, Green Arunachal Foundation leh pawl dangte chuan an pawm lo a ni.