Arunachal Pradesh sorkar-in hmeichhe naupang kum 12 leh a hnuailam pawngsual vanga thiam loh changte tihhlumna dan pawm

Arunachal Pradesh sorkar chuan hmeichhe naupang kum 12 leh a hnuailam pawngsual vanga thiam loh changte tihhlumna dan a pawm. Arunachal Pradesh Legislative Assembly \hukhawm chuan he dan hi nimin khan a pass a, hemi hmalam hian Madhya Pradesh, Rajasthan leh Haryana sorkarte chuan he dan hi an lo hmang tawh a, heng sorkarte hian hmeichhia leh naupang chunga tharum thawhna reng reng a enliam mai mai loh tur thu leh pawikhawihtute na taka a hrem \hin tur thu a sawi nghal a, an dan siam \hatnaah hian hmeichhe zahawmna tibawrhbang zawnga thilti reng reng kum 7 a\anga kum 10 thleng tan tir theihna tur leh pawisa tam tham tak chawitir theihna tur te pawh a tel a ni.