Assam-ah Blue Whale Challenge khel nia hriat intihhlum tum

0
703
views

Assam-ah College zirlai pakhat chuan Nilaini tlai khan Silchar-a in pakhat chung a\anga zuang thla-a intihhlum a tum a, Police te chuan hei hi Internet-a game chi khat, Blue Whale challenge khelh vang nia an rin thu an sawi. He tlangval, kum 22 mi hi a awm leh a ban a hliam a, a ngaihtuahawm hle nia sawi a ni a, damdawi inah dah a ni. Police hotute chuan he thil hi chhui zui a nih thu leh, a mobile phone pawh endik a nih thu an sawi. Engemaw lai a\ang khan tleirawl leh \halaite zingah Blue Whale Challenge khelh avanga buai an tam hle niin Police te chuan an sawi a, khawvel pumah mi za chuangin an thih phah tawh a ni. Thla hmasa pawh khan Tamil Nadu-a Madurai khuaah tleirawl pakhat pawh a inawkhlum a, a lehkha hnutchhiah a\angin Blue Whale Challenge vang hi nia rin a ni a, Madras High Court pawhin hei hi hriain, sorkar laipui leh Tamil Nadu sorkar chu he game khap dan tur ngaihtuah turin a ti a ni. Rajasthan-a Jodhpur-ah pawh hmeichhia, kum 17 mi chu kham a\anga dila a zuan thlak dawn laiin tui l<t thiam leh Police-ten an chhanchhuak bawk. He game, Russia ram a\anga siam hi ni 50 chhunga khelh zawh tur niin an sawi a, mahni inzai te, mi dang awm lohna hmuna awm te, hla dukdak lo sak te, thlanmuala kal te, thlahrang film en te a tel b^kah a tawpah in chhawng a\anga zuan thlakte a tel a, hei vang hian mahni an intihlum ta mai \hin niin an sawi.