Mitthi zinga mi 7 chu Cachar district mi an ni a, midang 7 te chu Hailakandi district leh mi 6 te chu Karimnganj district a cheng an ni a, hliam engemawzat an awm bawk. Chhanchhuah hnathawktu pawlte chu leimin-a tang an awm leh awm loh enfiah tur te, mitthi leh hliamte buaipui turtein an thawk chhuak nghal a ni.
Assam State Disaster Management Authority chuan ruahsur nasa vang hian Assam-a Goalpara district-ah tui a lian nasa hle a, Nagaon leh Hojai pawh tui lian tuar nasa zingah an tel tih a sawi a, mi nuai 3.72 velin tuilian an tuar a, thingtlang khua 348 tuiin a chim a. Leilet hectare 27,000 a zau a chim chhe bawk a ni.
