Assam CM-in lehkha puan siam chhuahna hmunpui pahnih hawn tharna senso atan sorkar laipui chu cheng vbc 1,800 a dil

0
601
views

Assam CM, Sarbananda Sonowal-a’n state chhunga lehkha puan siam chhuahna hmunpui pahnih hawn tharna senso atan sorkar laipui chu cheng vbc 1,800 a dil a, he state tihhmasawnna dan tur ruahman mek pawh peih fel thuai turin a ngen bawk. Nimina Union Finance Miniser, Arun Jaitley-a nena an inkawmnaah, Pu Sonowal-a hian Hindustan Paper Corporation hnuaia lehkha puan siam chhuahna hmunpui pahnih – Nagaon paper mill leh Cachar paper mill chu a rang thei ang bera hawn a nih theih nan cheng vbc 1,800 mamawh a nih thu a hrilh a, a hnua thuthar lakhawmtute a hrilh danin, lehkha puan siam chhuahna hmunpui pahnih hian state chhunga mau huan nei, mi nuai hnih chuang hma lam hun a hril dawn tih pawh Finance Minister hi a hrilh a ni. Pu Sonowal-a hian PM Principal Secretary, Nripendra Mishra-a pawh a hmu nghal a, North East Industrial Investment Promotion Policy thlaktu tur, state tihhmasawn dan tur ruahmanna thar leh tui lian avanga Assam-a chhiatna thleng chungchang a sawipui a ni.