Assam hmeichhiate’n sorkar laka lungawi loh lantir nan lu ziat kawlh

0
782
views

Assam-a hmeichhia-te’n BJP kaihhruai sorkar laka an lungawi lohna lantir nan an lu an ziat kawlh. Nimin khan he state-a hmeichhe pawl din thar, Swadhin Nari Shakti huaihawtin Guwahati khawpuia Dighalipukhuri-ah hmeichhia 100 rual velin BJP sorkar an duh lohna an lantir a, an zinga hmeichhe pathum chuan a hmunah hian an lu an ziat kawlh a ni. Lu ziat kawlh zinga mi, Moushumi-i chuan state sorkar hlawhchhamna leh state mipuite’n kaihruaitu leh vengtu tha an nei tawh lo tih lantir nan lu an ziat kawlh niin a sawi a, SNS member-te hian BJP sorkar chu a thutiam bawhchhia leh a insawi anga awm lo-ah an puh a, nikum inthlan vuakvetah khan party hian Assam khua leh tui dik takte dikna leh chanvo bakah an ram humhalhsak a tiam nia sawiin, an sorkar hnuah BJP hian Assam mi dik tak ni lo a duhsak zawk niin an sawi a ni.