Assam NRC draft list phochhuah-in state pawn lamah nghawng a nei chho zel a, Arunachal Pradesh leh Meghalaya-a zirlai pawlte’n an state chhunga Assam mi, NRC-a tello te chhuak turin an ti a, lo luh tum dang turin hma an la.

0
470
views

Meghalaya-a Khasi Student’s Union chuan Assam nena an inri-na hmun hrang hrangah check-gate an siam thu leh thawh\anni thleng khan mi 1500 vel, NRC-a hming chuang lo an state chhunga luh tum an lo dan tawh thu an sawi a, an President, L Marngar chuan Assam sorkar-in NRC a siam ang hi an state sorkar pawh siam ve tura an nawr thu a sawi a, hemi chungchang sawipui tur hian State Deputy CM Prestone Tynsong pawh an hmu tawh tih a sawi bawk a, Bangladesh leh Nepal a\anga dan lova lut ru an tam thu leh, hmun \henkhatah phei chuan a ram neitute zawk nekchepin an awm niin a sawi bawk a ni.

All Arunachal Pradesh Students’ Union, AAPSU pawhin vawiin khan Assam NRC draft list-a hming chuang lo, an state chhunga awm mekte chu ni 15 ral hmaa chhuak turin an ti ve leh a, Assam leh an state in kalpawhna hmun hrang hranga District thuneitute pui turin Operation Clean Drive beihpui thlak an tum thu an sawi bawk a ni. AAPSU General Secretary, Tobom Dai chuan NRC-a tello mi tam tak, ram pawn lama thawn chhuah pumpelh tum an awm ngei tur thu leh heng mite hian an state-a himna an zawn an remtih loh thu a sawi a, \ul loa an intihbuai loh nan state pawn lam mi te chu an ILP leh lehkha pawimawh dangte pai reng turin an ti bawk a ni. Arunachal Pradesh sorkar hian kar kalta khan ILP nei lo mi 35 a lo man tawh bawk a ni.