Assam tuilian dinhmun

0
486
views

Assam-a tuilian chuan ziaawm lam a la pan thei lo a, tunah hian district hrang hrang parukah tuilian avanga buai an la awm a, State Disaster Management Authority chuan nimin khan tuilian avanga harsatna tawk zat hi 17,356 laiin an pung tih an sawi. Dhemaji, Lakhimpur, Chirang, Morigaon, Nagaon leh Cachar district te chu tuilian avanga harsatna tawk nasa zual an nih thu leh, Jorhat, Golaghat, Sonitpur leh Karimganj hnaihah pawh Brahmaputra luiin hlauhawm chhinchhiahna a la pel reng tih an sawi bawk. Puan tawh angin, Disaster Management Authority chuan tuilian avang khan hmun hrang hrangah tuiin khaw 148 a chim bakah, thlai chinna ram, hectare 6,141 vel a chhia tih an sawi a, chhawmdawlna hmun 21 an siam tawh bakah tuilian leh a kaihhnawih avanga thi, mi 158 an awm tawh a ni.