Assama khualehtui tih chianna NRC list August ni 31-a tihchhuaha hming chuang lo mi nuai 19 te ennawn leh a nih hnuah NRC list-a chuang zawng zawng chu mi vbc 3 leh maktaduai 30 an tling.

0
355
views

Assam state-a mipui awm zawng zawng zinga zaa 12.15, mi nuai 40 vel chu July thlaa NRC tihchhuah lailawkah khan an tel lova, August thla final list tihchhuah a nih hnuah hming chuang lo nuai 19 an awm leh a ni. Heng mite hi thla reilote chhung Assam khualehtui an nihna tihchianna hun pek an ni a, NRC tihchhuah a nih a\anga ni 120 chhungin Foreigner Tribunal ah an nihna tihchianna tur an buaipui thei dawn a, hei sorkar laipui ruahman a ni.

Tribunal kuta awm, danin a phal anga endikte chu ram chhungah an awm rih remtih a ni dawn a, Tribunal hmaa inlan lo te erawh chu ram pawnah thawn an ni dawn a, thawn chhuah an nih hma-in Assam-a Goalpara district-a raltlante hren lailawknaah dahkhawm phawt an ni ang.

Goalpara district-a raltlante dahna hmun tur hi cheng vbc 46 senga sak a ni a, mi 3,000 an leng a ni.