Australia hmeichhe naupang kum 3 mi, ramhnuaia bo ui in a awmpui tlat vangin dam takin hmuh let a ni

0
268
views

Australia Police te’n hmeichhe naupang kum 3 mi, ramhnuaia bo pakhat chu a ui in rinawm takin a awmpui tlat avangin dam taka hmuh leh a ni tih an sawi. He hmeichhe naupang Aurora hi Queensland-a an in a\anga a bo avangin nasa taka zawn a ni a, an bawng rual vengtu ui kum 17 a upa, Max tia an koh, beng chhet tawh leh mit \ha tawh lo chuan hmeichhe naupang hi a zui tlat a, darkar 16 zet a bo chhung hian a ui hian a awmpui ngat ngat a, zanah pawh lungpui karah hmeichhe naupang hi a mut lumpui a. A zawngtute thawm a hriat veleh ui hian panin, Hmeichhe naupang awmna ah hian a hruai thleng a ni. Hmeichhe naupang bo zawng hian mi rikrum thila che chhuak \hin mi 100 chuang leh mi tlawmngai dangte an thawk chhuak a. Police te chuan he ui Max tia koh hi Honorary Police Dog nihna an pe a ni.