Australia-in Russia ram palaite hnawtchhuak ve leh

0
286
views

Russia enthlatu hlui, UK-a tur hmanga hrai anih chungchanga Russia demna lantirin Australia in Russia ram palai te a ram a\angin a chhuah tir ve leh ta a, ram 20 chuanga Russia palai 100 chuang hnawhchhuah an ni ta. Prime Minister Malcolm Turnbull chuan Salisbury-a Russia chet dan chu kan vaia laka pawikhawihna a ni a ti a, hetihlai hian Russia chuan Australia chet dan hi chhanlet a tum thu a sawi ve bawk. Russia hian Sergei Skripal leh a fanu tura hrai thuah hian a inrawlh lo niin a la \ang a, he thil chhui chiangtute chuan Sergei Skripal leh a fanu Yulia te hi thazam ti chhe thei tur chikhat hmanga hrai an ni tih an sawi a, an dinhmun hi la \ha lutuk rih lo mahse, thih hlauhawm erawh an ni tawh lo niin an sawi. Australia hian Russia ram palai pahnihte a hnawtchhuak a, European Union pawhin kar kalta khan Sergei Skripal leh a fanu tura hrai thuah hian Russia chu a bultumtu ni ngeia an ngaih thu an lo sawi tawh a ni.