Thu puangzartute leh vantlang tana thawktu mi tam takin Police te chet dan hi an dem a, ann lehkhapawimawh \henkhat an man sak chu chanchinbu zalenna rahbehna a ni an ti. Hetihlai hian Australia Federal Police te chuan news report \henkhat chu ram himna venhimna dan bawhchhiatna nia a lan avangin Police te hian hma an la tih an sawi thung.
Police te hian, Sydney khawpuia Australian Broadcasting Corp (ABC) hmunpui an dap a,
reporter pahnih leh news director te dap phalna search warrant nen ABC hmunpui hi an luh chilh a ni.
Australia sipaite Afghanistan-a an chet dan tarlanna ABC in a tih chhuah bawhzuiin Police te hi an che chhuak a, The Afghan Files-a vuahah hian dan kalha sipaiten mi an thah thu te leh Afghanistan-a Australia Special force te chet dan dik lo te pholan a ni a, ABC chuan Defence lehkhapawimawh 100 chuang, a ruka an neih thu an sawi a, Australia Federal Police te hian ram himna kaihhnawih puanzar phal loh thuruk an puanzar vanga ABC hmunpui hi dap an ni tih an sawi.
