Australia sorkarin ram chhunga naupang mipat hmeichhiatna kawnga khawih chingpen tawktute lakah ngaihdam a dil dawn

0
728
views

Australia sorkarin ram chhunga naupang mipat hmeichhiatna kawnga khawih chingpen tawktute lakah ngaihdam a dil dawn a, he thil chhuituten rawtna an siam zawng zawng chu a vai deuh thawa pawm vek a tum.

Royal commission inquiry tia sawi, Australia-a naupang khawih chingpen chungchang chhuitu hian an thil chhuina kimchang chu December thla khan a peihfel a, an thil chhuinaah hian mi 8,000 chuangin Kohhran, Zirna In leh Sports Club-ah te khawih chingpen an tawh dan an sawi a ngaithlaksak a, thil chhui hna hi kum 5 chhunga zawhfel a ni. Prime Minister Malcolm Turnbull chuan Royal Commission Inquiry in rawtna a siam 122 zinga 104 chu sorkarin a pawm vek tih sawiin a bak 18 te pawh paihthlak a ni chuang lo tih a sawi a, mipat hmeichhiatna kawnga khawih chingpen lo tawk tawhte thusawi chu sorkarin a ngaipawimawh a ni a ti a, an chunga thil lo thleng tawhte chu nawhreh theih ni lo mahse sorkarin a theih anga tuam dam turin hma a la ang a ti. Royal Commission Inquiry in rawtna a siam zingah hian zirna in hrang hrang kalphung thlak danglamna tur te, Catholic Kohhran in nupui pasal nei lova in vawn thianghlimna an kalpui dan siam \hat rawtna te pawh a tel a ni.