Ayodhya thubuai Supreme Court-a ngaihtuah mekah court a thubuai thehluttu zawng zawngte chu hunbi tiam pek vek an ni a, October ni 18 ral hmaa ngaihtuah fel hman tum a ni.

0
431
views

November ni 17-a Chief Justice Ranjan Gogoi-a pension-a a chhuah tawh dawn avang leh hemi hmaa ngaihtuah fel hman a nih loh chuan a bul a\anga ngaihtuah nawn leh vek a \ul dawn avangin Supreme Court chuan October ni 18 ral hmaa he thubuai hi ngaihtuah zawh hman a \ul tih a sawi a, Temple leh Mosque chungchanga thu kum tam tak chhung thu inchuh chingfel tur hian palai hmanga inbiakna chhunzawm theih a la ni tih Supreme Court chuan sawi mahse, thubuai thehluttute hian a tawn tawnin an pawm duh loh rin a ni.

He thubuai ngaihtuah \an a nih a\anga a ni 26-naah Supreme Court hian lungawi lo ten inbiakna hmanga chinfel an duh chuan palai hmanga inbiakna an chhunzawm thei reng tih a sawi a, Chief Justice chuan October ni 18 hma ngeia chinfel a \ul tih sawiin, a \ul anih chuan Court in he thubuai ngaihtuah hian nitin darkar khat dang hun a senbelh hreh lo a ni a ti.

Palai hna thawktute hi Supreme Court Judge hlui FM Kalifulla chuan hovin, sakhaw mi Ravishankar leh advocate senior Sriram Panchu te an tel a, March thla a\ang khan palai hna an thawk a, inremna mumal a la awm thei lo a ni.

Ayodhya buaina hi kum zabi 16 na hunlai a\anga Babri Mosque dinna a ni a, kum 1992 ah Hindu kulmuk \henkhatin an ti chhia a, a ti chhetute hian Ayodhya hi Lord Ram-a pianna hmun, Temple hlui hmun niin an ngai a ni. Mosque tih chhiat kaihhnawiha intual vuakna thleng zuiah mi 2,000 chuangin ram chhung hmun hrang hrangah nunna an chan a ni.

Kum 2010 khan Allahabad High Court chuan he ram, Acre 2.77 a zau hi hmun thuma \hendarhin, a in chuhtu pawl pathum, Sunni Waqf Board, Nirmohi Akhara leh Ram Lalla te hnenah intiat tlanga sem turin a rel a, he thutlukna khinletna chi hrang hrang 14 zet Supreme Court ah hian a lut a ni.