Bahamas Prime Minister, Hubert Minnis chuan thliin a tihchhiat hmun sawma \hena hmun khat endik tawh a\angin mi pasarih an thi tih a sawi a, hmun dang endik zel a nih vangin thi zat pawh an pun a hlauhthawnawm tih a sawi.
Dorian hian Abaco thliarkar na taka a nuai hnuah nasa lutuk lovin Grand Bahama a nuai leh a, inbiakpawhna hrui engemawzat a nuai chhia a, tui a lian bawk a ni.
Thli tleh tuartu mipui 60,000 te chu hmun him lamah sawn an ni a, heng mite hian ei leh bar leh tui thianghlim an mamawh tih UN-in a sawi a ni.
Thli tleh hi Bahamas hmar lamah tleh pheiin, US chhak lam tuipui kamin a siper a dawng a ni.
