Kangmei hi Dhaka-a Banani area-a inchhawng sangah a chhuak a, kang\helh lam hnathawkte chuan kangmei hi chhawng 8-na a\anga chhuakin chhawng sang zawk te a hliau kai ta niin an sawi a, a chhuah chhan tak hi hriat a la ni lo tih an sawi bawk a ni. Building chhungah hian hnathawk engzat tak nge awm hriat a ni lo a, chhanchhuah hnathawktute chuan dam chhuak an la zawn mek thu leh kangmei chhuahna hmun \henkhat an endiknaah ruang kang ut vek tawh te an hmuh belh leh avangin thi zat hi a la pung dawn tih an sawi bawk a, damdawi ina hruaite zingah pawh thi an awm belh leh tih an sawi bawk. Dhaka khawpui fire service hotu Julfikar Rahman chuan building chhungah hian kangmei laka invenna tur hmanrua a awm lo tih a sawi a, kangmei chhuah chhan endik turin member 8 awmna committee din a tawh a ni.
Chanchin Thar Bangladesh-a kangmei chhuak vangin mi 25 aia tlem lo an thi a,...
