Investigators te hian helicopter tlak hun laia khaw awmdan an zir chiang hmasa dawn a, chhum a zing nasat vanga khawl lamin harsatna a tawh theih dan pawh an chhui bawk ang.
Investigators te hi Federal Aviation Administration leh National Transportation Safety Board mite an ni a, a hran ve ve-in helicopter tlak chhan hi an chhui dawn a ni.
Federal agency chuan LA-ah mi 20 awmna team a nei a, heng mite hian FAA an thawhpui dawn a, helicopter siamtu company thlengin an chhui vek dawn nia tarlang a ni.
Puan tawh angin Kobe Bryant hian Pathianni khan basketball local youth tournament-a tel tur a fanu, Gianna zirtir turin a kal a, Los Angelesa traffic tawt pumpelh nan helicopter a hmang a ni. A fanute nen in lam pana an thlawk ho chu chhum a zing nasat vangin pilot chuan air traffic controllers a be nghal a, air traffic controllers ten an chhan hma-in helicopter chu minute 12 vel boruakah a virkual a, pilot chuan controllers chu a be zui zel a, tihdan tur an hrilh zel chungin thlawhna chu a tla hniam zel thova, Calabasas khaw pawna tlang pangah a tla ta a ni.
He thlawhna, Sikorsky S-76B-ah hian mi pakua an chuang a, Kobey Bryant leh a fanu Gianna bakah an chuanpui dangte pawh an thi vek a ni.
