Bengaluru-a Hotel pakhatah Dr Atreyee Majumdar-i ruang chhar a ni

Mihring khawsak phung leh vantlang nunphung chungchang zirtu, Dr. Atreyee Majumdar chu ni nga a chin hriat a nih loh hnuah, tukin khan Bengaluru MG Road-a Hotel Taj Vivanta-ah thi-a chhar a ni. Atreyee hi Toronto-a Post-Doctoral Fellowship ti lai a ni a, tun thla ni 4-ah khan Toronto a\angin Bengaluru a lo thleng a, a chin hriat zui tur a awm ta lo a, police-te chuan Atreyee hi Novotel Hotel-a a thlen laia bo a nih thu leh, a chin hriat a nih loh hnuah Marriot Hotel-ah a thleng leh tih an hriat tawh thu an sawi a, CCTV a\anga a lan dan chuan thurualpui emaw kawppui emaw pawh a neih loh thu leh Marriot Hotel a\ang hian a inla chhuak leh tih an sawi bawk a ni. Atreyee hi Toronto lama a awm lai pawhin biak pawh thei lohin hun eng emaw chen a lo awm tawh tih a chhungte a\anga an hriat tawh thu police-te hian an sawi bawk a, a thih dan chhui chhuah tuma an beih mek thu leh rinhlelh tur thil an la neih loh thu an sawi bawk a ni.