Bihar-ah hmeichhe tleirawl chhaih nawmnah lai video thlalak darh, mi 6 man tawh

0
317
views

Bihar-a hmeichhe tleirawl chhaih nawmnah lai video thlalak a darh hnuah video-a lang mi 8 zinga 6 te chu man an ni tawh a, an zinga a tam zawk chu kum 13 leh 19 inkar an ni tih Police ten an sawi. Heng mipa tleirawl rual te hian hmeichhe pakhat chhaih nawmnahin a kawr hak lai te an phih thlak sak a, hetianga an che lai video chu nasa takin a darh a, Bihar Jehanabad Police te chuan he thil thleng hi chhui nghalin mi 6 te hi an man tawh a ni. Police Officer Nayyar Hasnain chuan he thil thleng chhui zui tur hian special team din nghal a ni tih a sawi. Video-a a lan danin hmeichhia hian amah beitute hi a theih ang angin a bei l>t ve a, a chhaih nawmnahtute hian fiamthu thawh nana an hman bakah a thawmhnaw te an hlih sak a ni. Video ah hian pawikhawihtute chuanna bike pawh a lang a, hei hi he thil thleng chhui zuina tura thil pawimawh tak a ni dawn tih Police te chuan an sawi a, he thil thlen lai video-a lakna mobile phone pawh police te chuan an man tawh tih an sawi. Police te chuan pawikhawihtute man kim tum hian he thil thlenna bul vel in tin lut lawrin beihpui an thlak mek a ni. POCSO Act hnuaiah Police te chuan thubuai an ziaklut a ni.

Uttar Pradesh Kannauj ah pawh hmeichhe pakhat mi pahnihin an pawngsual lai thlalak tih darh a ni a, Police ten chhui zuiin, hmeichhe chhungte hian thubuai an thehlut nghal bawk. Pawngsualtua puh mi 2 te hi Talib tih leh Salma tia koh an ni a, hmeichhe chenna venga cheng ve tho an ni. He hmeichhia hian tuichhunchhuah-a tui chawi a tum laiin heng mi pahnihte hian an khawih nia sawi a ni a, mualpho a hlauh avangin hmeichhia hian a chhungte a hrilh nghal lo niin Police te chuan an sawi. Heng mi pahnihte hian social media lama video an tih darh hnuah he thil thleng hi hriat chhuah a ni ta chauh a ni.