Prime Minister Narendra Modi-a’n India ram chhunga thingtlang khua zawng zawngah electric eng pek vek a ni tawh tih a sawi

0
608
views

Prime Minister Narendra Modi-a’n India ram chhunga thingtlang khua zawng zawngah electric eng pek vek a ni tawh tih a sawi. Hmarchhak State Manipura khaw pakhat-ah Inrinni khan electric eng pek leh a nih hnuin thingtlang khua zawng zawngah eng pek a ni ta tih sorkar chuan a sawi. Electric eng pek kim leh kim loh tehna ah hian thingtlang khaw tin chu in awm zat a\anga zaa 10 in electric eng an neih chuan eng pekna khuaah chhal a ni a, World Bank chhinchhiah dan chuan India rama mi maktaduai 200 zetin electric eng an la hmu phak lo thung. Prime Minister Narendra Modi chuan India rama thingtlang khua 600,000 zet electric eng pek an ni tawh a, Asia khawmualpuia ram hausa pathumna ni mek India tan hei hi hlawhtlinna sang taka ngaih a ni. Hetihlai hian mi \henkhat chuan an khuaah electric eng a la lut lo niin social media lamah an sawi ve bawk. India hi khawvela kawlphetha siamchhuak tam pathumna a ni phak a, a sem darhna lam \ha tawk lo avangin vawiin thlengin harsatna a la tawk mek thung. Kum 2015 August thla khan Prime Minister Narendra Modi hian Dollar Tld.2.5 senga chenna in zawng zawng electric eng pek vekna tur ruahmanna a lo hawng tawh a, he ruahmanna hi kumin December thla ral hmaa puitlin tura ruahman a ni. Manipur-a Leisang khuaah Inrinni khan electric eng pek luh a ni a, he khua, chhungkaw 19 chenna hi India ram thingtlang khua te zinga electric eng pek loh la awm chhun a ni tih Prime Minister chuan twitter-ah a sawi a ni.