Bihar Chief Minister Nitish Kumar-a’n Bihar-a thluaka khawsik lut vanga naupang 160 thihna thleng chu vanduaithlak a tih thu a sawi.

0
125
views

Bihar-ah hian thluaka khawsik lut chikhat, Acute Encephalitis a leng chiam a, eptu party te chuan a hun taka hmala lovah sorkar an puh a, Chief Minister hian Assembly rorel inkhawmah he vanduaina thleng hi sawi chhuakin, sorkar chuan theihtawp chhuahin hma a la reng a ni a ti. June ni 1 a\ang khan he khawsikpui leng hi naupang 160 in an tihpui tawh a, Muzaffarpur district chu a tuar nasa zual a ni a, hmun tam takah rorellai Janata Dal United laka lungawi lohna lantir a ni. Chief Minister Nitish Kumar hian June ni 18-a Muzaffarpur a tlawh \um pawh khan mi tam takin lungawi lohna lantirin an lo hmuak a, Bihar sorkar chuan in tina lut lawrin he natna darh zel tur ven tumin hma a la a ni. Hapta liamta khan Supreme Court chuan state sorkar leh central sorkar te chu ni 7 chhunga he natna leng chungchang sawifiah turin a ti a, central leh state sorkar te chu naupangten chawi \ha ei tur an hmuh phak loh vang a ni em tih te, damdawia inenkawlna a \ha tawk em tihte leh thianghlimna kawngah enge an dinhmun tih te sawifiah turin a ti a ni.