Janata Dal (United) hian CAA chu thlawp mahsela, JDU President, Nitish Kumar chuan nikum December thla khan NRC chu Bihar-ah hman a ni dawn lo tih a lo sawi tawh a ni.
Darbhanga district-a Maulana Azad National Urdu University-ah Bihar CM hian cheng vbc 80 senga sak tur hostel sak \anna tur lung a phumnaah he thu hi a sawi a, he hostel hi khum 100 lenna tur niin mipa leh hmeichhia awm theihna tur a ni a, chhawng thuma sak tur a ni. He lungphum a phumnaah hian Nitish Kumar chuan kum 2010-a Bihar-a NPR an hman chu kum 2020-ah thar thawh leh a ni dawn tih sawiin, NRC erawh an kalpui dawn lo tih a sawi nawn leh a ni.
