Patna cheng mipui 11,000 vel chuan an chenna hmun rauhsanin hmun him lam an pan a ni. Hetihlai hian National Crisis Manangement Committee-in Bihar-a tuilian dinhmun chu a zirchiangin district 16-in tuilian an tuar tih an sawi a, sorkar laipui tirhin National Disaster Response Force leh Indian Air Force helicopter 2 chu \anpui ngaite \anpui turin an thawk chhuak a ni.
Khawchin thlirlawkna tarlan danin khaw awmdan chuan ziaawm lam a pan a, ruahsur pawh a tlem deuh tawh dawn a ni.
Hetihlai hian West Bengal-a Malda District-ah pawh tui a lian a, tuilian hian lei in tam tak a ti tlusawp a ni. Malda district tuilian hi mi nuai 2 leh sing 5 velin an tuar a, hmun hniam laia chenna in te chu tuilian hian a chim bawk a ni. Ganga lui bula chengte chu tui lian tuar nasa zual an ni a, hmun him lama thiar chhuak turin hna thawk mek a ni.
Irrigation Deptt. chuan tun kar Thawh\anni a\ang khan Malda district-a ruahsur chu millimeter 99.80 a tling tawh tih a tarlang. Malda Medical College and Hospital pawh tuilianin a chim a, tuilian karah mi zai ngaite an zai niin Hospital Superintendent Amit Dawn chuan a sawi.
