BJP President Amit Shah-a’n Chennai tlawh a tum chu a \hulh rih a, Union Minister Piyush Goyal nen Chennai ah hian kalin. Tamil Nadu-a rorellai AIADMK nen Parliament inthlanpui atana thawhdunna thuthlung ziah an tum a ni.

Thudawn danin BJP leh AIADMK \angdun tura inbiakna hi tluang takin a la kal a, hetihlai hian party te zawk DMDK ang chi te chu thawhhona huangah hian an la hmin kim lo a, seat insem dan tur thuah inbiakna a la fel thei rih lo a ni. Hetihlai hian AIADMK leh BJP thawh dun dan turah pawh seat insem dan tur chu tih chian a la ni lo bawk a, BJP nena thawhdun an tum thu an puan hma hian AIADMK hian PMK nen thawk dun tura thuthlung lo siam tawhin, seat insem dan tur pawh an lo puang tawh a ni. BJP hian Maharastra-ah Shiv Sena nena an thawhdun tur thu an ti chiang tawh bawk.

Kum 2014 ah khan BJP hian MDMK, PMK leh DMDK te thawhpui mahse seat hnih chauh an la a, J Jayalalitha kaihhruai AIADMK chuan seat 37 lai an la thung a ni.