Ram chhung hmun hrang hranga BJP hruaitulute chu tukin khan New Delhi-a BJP pisapuiah an \hukhawm a, heng mite hian Jagat Prakash Nadda chu an party President atan ruat nise an ti a, hemi hnu hian BJP hruaitu hlun, Radha Mohan Singh chuan Delhi-a an party hqrs.-ah President thar hi a puang a ni.
Nadda-a dinhmun chawisan nan Prime Minister, Narendra Modi leh Home Minister, Amit Shah te chu BJP pisaa inhmuhkhawmnaah tel ve tura ngaih an ni.
Pathianni khan Modi leh Amit Shah-te chuan BJP hruaitu hlun te, chief minister te leh chief minister hlui te an party pisaah an kawm a, an party president ni tura Nadda-a an ruat dan an enpui a ni.
Nikum June thla khan Nadda hi working president atan ruat a ni a, Amit Shah chu BJP president ni chhunzawm tura ruat a ni bawk. Hetihlai hian Amit Shah chuan Prime Minister hnenah minister a nih anga a hna leh mawhphurhnaa a in sawrbing zawk theih nan president a nihna chu midang kuta hlan a duh thu a hrilh a ni.
