Brazil Health Ministry chuan coronavirus hi a tlem berah mi 12,400-in an thihpui tawh tih an nemnghet a, hri kai zat hi mi 1,77,589 tling tawhin Germany aiin an tam tawh zawk a ni.
Europe khawmualpui chuan hrileng vanga thihna-in ziaawm lam a pan avangin inkharkhipna chu hlih an tum a, mahse Brazil-ah chuan hri hi a la darh chak hle a ni.
Hetihlai hian, President Bolsonaro leh an state governor te chu inkharkhip chungchangah an thu a inhmu lo hle a, Bolsonaro chuan gym leh sam siamna te chu sumdawnna pawimawh, inkharkhip lai pawh a hawn ngaite zinga tel turin thupek a siam a, sumdawnna khar avanga economy tlachhia chu hrileng aiin a duhawm loh zawk a ni a ti.
He a thupek pawm lo governor te chuan court-ah thubuai an thehlut thei tih a sawi a, Governor 10 velin a thupek hi an zawm dawnlo tih an sawi a ni.
