Prince Mohammed bin Nawas al Saud erawh chuan Jamal Khashoggi chungchangah hian thil chhui chianna report a hmuh hma chuan engmah sawi theih a nei lo tih a sawi thung a, Jamal-a chungchang chu an ngaihven reng nia sawiin, he thil chhui chiangtuten enge an hmuh chhuah tih hriat chian a nih hma erawh chuan sawi theih a nei rih lo tih a sawi.
Khashoggi hi Washington Post-a thuziak \hin a ni a, Saudi ram lal Mohammed bin Salman-a ram hruai dan sawiseltu langsar tak a ni a, October ni 2 khan Istanbul ah Saudi Consulate-a a kal chu chin hriat lovin a bo zui ta a ni. Turkey ram hruaitute chuan he chanchinbumi hi Saudi Agent ten an that niin an sawi a, hei hi Saudi Arabia chuan thu dik lo niin a sawi thung a ni.
