BSP hotu, Mayawati-i’n Samajwadi party nen an thawk dun mai thei tih sawi

Gorakhpur leh Phulpur bial by election ah BJP laka hnehna an chan hnuah Bahujan Samaj Party BSP hotunu Mayawati i’n kum 2019 Lok Sabha inthlanpuiah Samajwadi party SP nen an thawk dun mai thei tih a sawi. Uttar Pradesh Chief Minister \um 4 lo ni tawh, Mayawati hian a party MLA te hmaah thu sawiin, Samajwadi Party nena thawh dun hi an hmelma in\awm BJP hneh turin thil \ul a ni tih a sawi a, party mi te chu BJP leh RSS te thu vawrh darh vanga buai lo tura hrilhin, engpawh lo sawi se, kan \anho an hlauh vanga thu veivir kual mai an ni a ti a, party dang nena thawh hona chu mimal emaw party tana ham\hatna tur a ni ngawt lo a, thil \ha lo leh Modi-a sorkar hmeh mihna tur a ni a ti. SP leh BSP te hian kum 23 chhung zet inrem lohna an lo neih tawh chu siam\ha turin \an an la chho mek a, SP hotupa Akhilesh Yadav chuan Gorakphur leh Phulpur-a hnehna an chan khan Mayawati lakah lawmthu a lo sawi tawh bawk a ni.