California chhim lama chirh tawlh rapthlak taka thi chu mi 17 an tling tawh a, tualchhung Sheriff sawi danin, ruang pahnih hmuh belh a nih b^kah, tuna la bo pawh 17 ah an pung chho leh bawk nia hriat a ni. Chhanchhuah hna thawktu 500 velin ui fing, helicopter leh thlalakna \ha chi hmangin ruang leh mi bote hi an la zawng zel a, dama chhanchhuah theih an awm beiseina erawh chu a hniam deuh tawh a ni. Puan tawh angin, Thawhlehni kal taa ruah bawhawk sur avangin chirh tawlh rapthlak tak hi a thleng a, tunah pawh hian k^wng thlenga dai ngaiin a la awm a, nimin khan mi 3 chhanchhuah an ni a, thite hming hi puanzar a ni lo. Pacific tuifinriat leh Los Padres National Forest inkar ram zau takah hian thawm nasa tak chhuahin chirh hi a tawlh chiam a, in tam tak a hnawl a, a hnawl chiah loh pawh a tichhe nual a ni. A bul hnaia lamlian pawh fimkhur thilah khar a ni a, thil chhiate zingah hian hotel hmingthang tak tak leh, television-a mi lar, Oprah Winfrey leh talk-show host, Ellen DeGeneres te inte pawh a tel a, anni hi Montecito venga mual pawngah an awm a, hmun mawi leh nuam tak, Los Angeles a\anga hla lo te a ni.
Chanchin Thar California chirh tawlha thi zat mi 17 tling tawh, bo zat 17-ah...
