Canberra-a Darling River-ah ni engemawzat kalta a\ang khan sangha sang chuang thi-a chhar a ni a, thuneitute chuan sangha thi hi a pun belh an rin thu an sawi.

0
362
views

Darling River bula mipui chengte chuan lui hi sangha thi hlirin a khat niin an sawi a, Federal Government chuan ram chhunga sangha thih chhan hi khawkheng vang niin sawi mahse mithiamte chuan luiah hian oxygen level a hniam bakah tur nei, ‘algae’ a awm thu sawiin sangha hi an thih belh an rin thu an sawi a, he oxygen level hniam hi hun rei tak chhung khaw lum hnua nasa taka khua a vawh leh thut thut vanga thleng niin an sawi a ni. New South Wales Regional Water Minister, Niall Blair chuan tuna sorkar thil tihtheih awm chhun chu luia aerators vuah bak a awm lo niin a sawi a, lui tui tui thianghlim thianghlima thlak a nih loh chuan thil awmdan hi tihdanglam vak ngaihna a awm loh thu a sawi a ni.

Australia-a khawchhak ram lairil lamah hian ruahtui a tlak mai loh avangin khua a lum zual hle a, January thla laihawl vel a\ang chauh khan fur ruahtui nasa takin a tla a, hei hian tui a ti lian bawk a ni.