Catalonia-in Spain lakah zalenna puang

0
309
views

Spain ram bung khat, Catalonia tualchhung sorkar chuan nimin khan Spain sorkar lakah zalenna a puang a, Spain sorkarin tukin khan Catalonia hruaitute hi an dinhmun hlihsakin, Deputy PM, Soraya Saenz de Santamaria kutah thuneihna a hlan nghal. Nimin vek khan PM, Mariano Rajoy chuan Catalonia tualchhung sorkar hi \hiah a nih thu leh inthlan buatsaih thuai a nih tur thu a lo sawi tawh bakah, Catalonia Police-te chu Spain Interior Ministry thuhnuaia awm tura tih an lo ni tawh bawk a ni. Puan tawh angin Catalonia-in zalenna a puan leh puan loh chungchanga mipui ngaihdan lak a nih dawn khan Spain Constitutional Court chuan dan kalh a nih thu a lo sawi tawh a, hei vang hian vote thlak pawh an tlem hle a, za zela 43 chauhin vote an thlak nia hriat a ni a, heng zinga za zela 90 chuan zalenna puan hi an thlawp a ni. Tukina Spain sorkar thuchhuah chuan Catalonia sorkar hotu, Carles Puigdemont leh a kaihhruai sorkara thuneihna nei zawng zawngte chu ban an nih thu leh, Catalonia chu Spain sorkar rorelna hnuaia dah a nih thu a sawi a, tualchhung sorkar thuneitu, ban t^k zingah hian Mossos Police Force hotu, Josep Lluis Trapero Alvarez leh Mossos Director General, Pere Soler i Campins te pawh an tel a ni. Pu Rajoy-a chuan Puigdemont hi mipui tam zawk duh dana kal a nih loh avangin, dan anga kal chhunzawm leh a, inthlan buatsaih tur pawhin hun pek a ni tih a sawi a, sorkar laka helna chawh chhuah tum avangin thubuai siamsak a ni dawn tih sorkar ukilte chuan an sawi bawk.

Catalonia khawpui, Barcelona Mayor, Ada Colau chuan Spain sorkar chet dan chu a dem rualin, zalenna puan duhtute kal dan pawh \ha a tih loh thu te, mipui ngaihdan an lak a\anga mi zawng zawngin zalenna puan an duh nia an ngai chu an tisual hle tih a sawi a, European Union President, Donald Tusk pawhin, Spain sorkar an thlawp thu sawiin, EU tan thil danglam a awm lo niin a sawi a, UK pawhin Catalonia-in zalenna a puan chu a pawm loh thu a sawi a bawk. Donald Trump-a kaihhruai US sorkar pawhin Catalonia chu Spain ram bung khat a nih thu leh, Spain sorkar a thlawp thu a sawi a ni.

Catalonia hi Spain ram bung zinga a hausa berte zinga mi a ni a, an rama mihring cheng zawng zawng za zela 16 vel chu Catalonia mi niin, Spain-in ram pawna bungrua a hralh za zela 25 chuang hret chu an kutchhuak a ni a, ram pum kum khat sum deh chhuah za zela 19 chu Catalonia bial thawh chhuah nia chhut a ni a, tualchhung sorkar ngelnghet tak, President leh Parliament bakah Police Force-te pawh a nei hrang vek a, sipai leh sum chungchanga kalphung leh ram dangte dawr chungchang tih lohah chuan, mahniin a inenkawl deuh vek a ni.