CBI hotu lu Alok Verma leh a hnuai chiah ami, Rakesh Asthana te nasa taka an inbeih mek laiin, sorkar laipuiin an pahnihin an hna a\angin a chawlh lailawk tir a, an chawlh hlana CBI enkawl turin M Nageswar Rao a ruat bawk.

0
423
views

 

Sorkar laipui thutlukna hi nizan dar 1 leh minute 45 khan tihchhuah a ni a, hemi hma darkar khat velah khan Delhi chhim lam Lodhi Road-a CBI pisa chu police-te’n an hual a, dar khat velah khan National Security Adviser Ajit Doval chuan Appointments Committee-a officer te a ko khawm a, CBI hotu pahnih-te hi chawlh lak tir turin a ti a ni. M Nageswar Rao hian hemi hnu lawk hian police-te venhimna hnuaiah CBI pisa pui a pan nghal a, Verma leh Asthana te pisa a khar sak bawk a, an hnuaia officer \henkhat pawh chawlh la turin thu a pe nghal bawk a ni. Alok Verma leh Rakesh Asthana te hi chawlh lak tir an nih thu hi hriattir nghal an ni a, tukin lama an pisa kai tur chu police-te’n an lo dang a, an driver pawh CBI hian a lak sak nghal bawk a, anni bakah hian hnathawk dang pawh chawhma lamah khan pisa kai lo tura tih an ni a, Verma leh Asthana te pisa dap zawh a nih hma chuan hna dang engmah kalpui a ni rih dawn lo niin thil chin hretute chuan an sawi a ni. CBI Special Director, Alok Verma chuan sorkar laipuiin chawlh a lak tirna thupek chu sut leh turin vawiin khan Supreme Court-ah a thlen nghal a, zirtawpni-ah hian ngaihtuah a ni ang.