Central Bureau of Investigation CBI hotu lu Alok Verma leh a hnuai chiaha mi Asthana te inbeih tawnna chuan Delhi High Court a thleng ta a, Rakesh Asthana leh officer dang Devender Kumar te chuan thamna laa anmahni puhna chu thu dik lo nia sawiin, hnawl turin court an ngen.

0
387
views

 

Asthana puhna, anti courruption law hi July thla khan a thi tawh nia sawi a ni a, CBI lam chuan hei hi court in thutlukna a siamna tur a ni an ti a, CBI hotulu Alok Verma chuan Asthana hi suspend nghal tura rawtna sorkarah a thlen tawh bawk.

CBI hian Special Director Asthana leh officer dang Devender Kumar te chu thamna laah puhin an man a, Kumar-a hi ni 10 chhung thu zawhfiah tura kawl phalna court an dil a, hetihlai hian Kumar-a hian amah puhna chu inphiarrukna nia sawiin Bail a dil ve nghal bawk.

Asthana laka october ni 15-a fir thehluhah hian thamna laa puh anihna, Prevention of Corruption Act sec 13(1) D, chu dan thi tawh nia sawi a ni. Prime Minister Narendra Modi chuan CBI hotu pahnihte hi a kawm ve ve tawh a ni.