Central-in Japan ramah kum 3 atanga kum 5 chhung hna lama training nei turin thalai rual nuai 3 thawn chhuah a tum: Union Skill Development and Entrepreneurship Minister

0
452
views

Sorkar laipuiin themthiamna leh hnathawhna kawnga hmasawnna thlentir dan tur a ruahmanna behchhanin, Japan ramah kum 3 a\anga kum 5 chhung hna lama training nei turin \halai rual nuai 3 thawn chhuah a tum niin Union Skill Development and Entrepreneurship Minister, Dharmendra Pradhan-a’n vawiin khan a sawi a, Japan rama India \halaite zirna sang zawk dawng tura thawn chhuah tumna, ‘Technical Intern Training Program’ atana India leh Japan thawh dunna thuthlung, Memorandum of Cooperation ziah rawtna pawh Union Cabinet-in a pawm tawh tih a sawi. He MoC hi ni 16 a\anga ni thum cham tura Japan ram a tlawh hunah an ziah nghal theih a beisei thu pawh Minister chuan a sawi a, TITP hnuaiah hian India \halaite chuan kum 3 a\anga kum 5 chhung, Japan rama hnathawhna hmun \henkhatah an zir thei ang a, a senso chu Japan sorkarin a tum dawn a ni. Minister hian \halai thawn chhuah zinga mi 50,000 velin Japan ramah hian hna an hmuh nghal theih beisei a nih thu pawh a sawi a, TITP a tel turte hi fel fai tak leh lang tlang taka thlan an nih tur thu leh, an lo haw leh hunah pawh ram tan an \angkai hle dawn niin a sawi bawk.