Central sorkar hnuaia hnathawkte Dearness Allowance chu zaa 5 in tihpun a ni dawn a, hei hi Diwali thilpek a ni tih Union Minister Prakash Javadekar-a’n a puang.

Sorkar hnathawk nuai 50 chuangin an DA tihpun hi an chhawr dawn a, Prime Minister Narendra Modi-a kaihhruai Cabinet Meeting-in DA tihpun hi a remti a, zaa 12 a\angin 17 ah tihpun anih vang hian sorkar chuan cheng vbc 16,000 a sen belh dawn a ni.

Prakash Javadekar chuan tun hi \um khata DA tih pun tam ber \um a ni a ti a, sorkar hnathawk mekte bakah pension tawh nuai 65 velin a hlawkna an tel dawn bawk tih a sawi.