Home Minister thar Amit Shah-a’n Jammu and Kashmir-a mifirfiakte nuaibo hi ngaihpawimawh hmasakah neiin heng mifirfiak 10 te hming hi central sorkar chuan a ti chhuak a, heng mi te hi Jaish-e-Mohammad (JeM), Lashkar-e-Taiba (LeT), Hizbul Mujahideen leh Al Badr nena inzawmna nei te an ni a, Jammu and Kashmir Police, CRPF leh Intelligence Bureau te a rawn hnuah sorkar laipui chuan mifirfik 10 te hming hi a ti chhuak a ni. Heng mifirfiak sorkar in nuaibo tura a tihte zinga 6 chu Hizbul Mujahideed mi leh sa an ni a, pahnih chu JeM mi leh LeT leh Al Badr mi pakhat ve ve an ni.
Let hotu Wasim Ahmed, Osama tia koh bawk, Jammu and Kashmir Shopian district-a chet thawh \hin leh Hizbul Mujahideen commander Riyaz Naikoo, Mohammed Bin Qasim tia koh bawk te hming pawh a lang a, anni pahnih bakah hian Hizbul Mujahideen Anantnag district commander Mohammad Asraf Khan te, Baramulla district commander Mehraj-ud-Din te, Srinagar mi Dr Saifulla te, Pulwama district commander Arshad-ul-Haq leh Ajaj Ayhmad Malik te hming pawh a tel a ni.
Tun thla ni 1 khan Home Minister hian Jammu and Kashmir Governor Satya Pal Malik, National Security Adviser Ajit Doval, Home Secretary Rajiv Gauba, Intelligence Bureau hotu Rajiv Jain, RAW hotu Anil Dhasmana leh Home Ministry-a mi pawimawh zual te a kawm a, hemi hnu hian heng mifirfiakte hming hi tih chhuah a ni.
